Sot në orën 10:45, 45-vjeçaja T.Ll. nga Tetova në SPB Tetovë ka raportuar se më 18-mars të këtij viti rreth orës 15.00, personat S.S.(44) dhe V.A. (33) të dy nga Tetova e kanë thirrur që të vijë në lokalet e Komunës së Tetovës dhe pasi ka hyrë në njërën nga zyrat i kanë thënë, gjegjësisht i kanë kërkuar pa asnjë shpjegim, që me shkrim të japë dorëheqje nga pozita e drejtoreshës në shkollën e mesme të Tetovës, jo më vonë se deri më 21 mars 2022. Sipas raportit, ata i kanë thënë gjithashtu se janë autorizuar nga kryetari i komunës dhe se në emër të tij kërkojnë dorëheqjen e saj. Denocuesja T.Ll. sipas raportit, ka përmendë se që nga data 9 mars të vitit të kaluar, kur me vendim është zgjedhur në detyrën e drejtoreshës, nuk kishte marrë asnjë njoftim për ndonjë lëshim apo gabim në punën e saj. Po merren masa për zbardhjen e rastit dhe do të vijojë parashtresë përkatëse. Raportoi sot policia e Tetovës. Por cka ndodhi në të vërtetë prononcohet Drejtoresha e Gjimnazit Teuta Llalla.

Ndërkaq Llalla na dëshmoj që Sadat Sulejmani është edhe në të gjitha grupet ku komunikojnë drejtorët e shkollave.

“U prezantua si i autorizuar nga kreu i komunës dhe kërkoi që deri ditën e sotme ta ofroj dorëheqjen time me shkrim tek kryetari i komunës. Arsyet unë vërtetë nuk i di dhe cili është qëllimi. Kërkova takim me kryetarin e komunës por zotëri Sadati më tha sa edhe pse e kishte parapri kryetari takimin me mua, nuk do të më takojë. Më është shkelur një e drejtë themelore se unë jam person juridik dhe drejtoj një institucion dhe kërkoj nga organet kompetente të më tregojnë se cili është statusi juridik i zotëri Sadatit në komunën e Tetovës dhe me çfarë arsye është angazhuar që të komunikojë me një drejtor shkolle”, tha Teuta Llalla.

Kujtojmë që Sadat Sulejmani ka kërkuar edhe apanazh nga qeveria në periudhën pasi që Lëvizja Besa u shkëput nga koalicioni qeveritar ku Sadat Sulejmani ka qenë zëvëndës Ministër i Kulturës. Ndërkaq i njëjti është parë si në seancat e këshillit të komunës së Tetovës por edhe në cdo aktivitet tjetër të të parit të qytetit.

Gazetar : Nverij Ademi