Ndasitë mes grupit të zjarrit në BDI dhe krahut tjetër të kësaj parti të udhëhequr nga Ali Ahmeti kanë vazhduar edhe për punën dhe investimet në komunën e Çairit. Kryetari i komunës Visar Ganiu e ka quajtur gënjeshtar Artan Grubin lidhur me pohimet për ndërtimin e çerdhes në këtë komunë nga qeverisja aktuale.
Pas deklaratave të mbrëmshme që i dha në Jegunovc zëvendëskryeministri i parë Artan Grubi, ku lavdërohej dhe përvetësonte meritat për ndërtimin e Çerdhes më të madhe në Çair me vlerë prej 2 milionë eurosh, sot ka reaguar kryetari i Komunës së Çairit, Visar Ganiu i cili përmes fakteve të dokumentuara dëshmon se nënshkrimi i Marrëveshjes për ndërtimin e çerdhes në Çair përfundoi 5 javë para që Grubi të bëhet zëvendëskryeministër. Gjegjësisht, se procedurat për ndërtimin e saj, bashkë me kontratën për fillimin e ndërtimit, e nënshkruar nga zëvendës-ministri i atëhershëm për Punë dhe Politike Sociale Gjonul Bajraktar dhe ndërmarrjes BAUER BG, përfunduan më 24 korrik të vitit 2020 dhe se të gjitha dokumentet për këtë marrëveshje janë publike në faqen Byrosë për Furnizime publike.
“E vërteta është një dhe vetëm një. E kjo e vërtetë për Çerdhen në Çair është se të gjitha procedurat për ndërtimin e saj, bashkë me kontratën për fillimin e ndërtimit, e nënshkruar nga zëvendës-ministri i atëhershëm për Punë dhe Politike Sociale Gjonul Bajraktar dhe ndërmarrjes BAUER BG, përfunduan më 24 korrik të vitit 2020. Dhe të gjitha dokumentet për këtë marrëveshje janë publike në faqen Byrosë për Furnizime publike:
https://e-nabavki.gov.mk/PublicAccess/home.aspx#/dossie-acpp/fc0a67dc-3963-456c-8b97-b38a58211616
Pra të gjitha këto procedura që ne mund bashkërisht ti verifikojmë kanë përfunduar në kohën kur Artan Grubi nuk ishte as në listën e dëshirave për t’u bërë zëvendëskryeministër i parë i Qeverisë, sepse ai në këtë funksion erdhi 5 javë më vonë, gjegjësisht më 30 gusht të vitit 2020”, shprehet Ganiu.
Ai më tej gjithashtu sqaron se “pikërisht Artan Grubi vetëm si mysafir i imponuar dhe jo i merituar (sepse ai e din mirë kush ka qenë personi që ka intervenuar për të qenë prezent ai në vendosjen e gurëthemelit dhe hatrin e të cilit person nuk ja thejmë), ishte i pranishëm në vendosjen e gurëthemelit për Çerdhen më të madhe në Çair e që u bë në dhjetor të vitit 2020”.
“Por ja që po ndodh që tani në kohën kur Artan Grubi është zëvendëskryeministër ndërtimi i Çerdhes në Çair po vonohet dhe në vend që të përfundonte më 31.12.2022, sikurse thuhet në marrëveshjen që është publike, ne jemi në muajin shkurt të vitit 2023 dhe çerdhja ende nuk ka përfunduar se ndërtuari. Parashtrohet pyetja përse Artan Grubi kur është në funksion kaq të lartë qeveritar nuk po e përshpejton ndërtimin e Çerdhes në Çair apo edhe ndoshta po e ngadalëson procesin e ndërtimit. Në vazhdim ju ftoj bashkë me linkun ti lexoni dhe ti shihni vet dokumentet, marrëveshjet e nënshkruara dhe afatet e publikuara në faqen e Byrosë për furnizime publike por edhe ta lexoni biografinë e zëvendëskryeministrit të parë Artan Grubi se nga kur është ai në këtë funksion. Bashkëqytetarët tanë nuk meritojnë të manipulohen por duhet të mbrohen dhe vendbanimet ku jetojnë ata të zhvillohen”, deklaron Ganiu.
Kjo komunikatë me reagim ndaj Ganiut është lëshuar në emër të disa funksionarëve të degës së Çairit të cilët thonë se janë të shqetësuar pasi nga zgjedhja e drejtuesve të degës nuk është mbajtur asnjë mbledhje në 3 vitet e fundit dhe nuk është shqyrtuar as zbatimi i programit të premtuar zgjedhor lokal e qendror e as që janë thirrur në përgjegjësi funksionarët për punët e zbatuara ose të parealizuara.
Bashkimi Demokratik për Integrim është thesar kombëtar i shqiptarëve dhe të gjithë qytetarëve në Maqedoninë e veriut dhe autore e lirisë, barazisë, integrimit dhe zhvillimit bashkë me të gjitha proektet kombëtare, rajonale, ndërkombëtare, infrastrukturore, zhvillimore, arsimore, kulturore, sociale, shëndetësore, etj, në vendin tonë.
Të gjitha këto të arritura janë realizuar me kontributin tonë të përbashkët dhe veprimit si një në fushata zgjedhore dhe në zbatim të premtimeve dhe programeve zgjedhore.
Në çdo cikël zgjedhor, fitorja është siguruar nga qytetarët me punën tonë të përbashkët dhe kontributin e gjithësecilit nga aktivistët e Bashkimit Demokratik për Integrim në Çair.
Ne, të poshtënënshkruarit, anëtarë të lartë të degës së BDI në Çair dhe organeve tjera lokale e qëndrore partiake, jemi të shqetësuar dhe brengosur nga rrethanat në strukturat tona lokale për arsye se që nga zgjedhja i degës e gjer më sot, nuk është mbajtur asnjë mbledhje e degës në 3 vitet e fundit dhe nuk është shqyrtuar as zbatimi i programit të premtuar zgjedhor lokal e qëndror e as që janë thirrur në përgjegjësi funksionarët për punët e zbatuara ose të parealizuara.
Të gjitha projektet kanë vulën e secilit prej nesh dhe janë bërë bashkarisht sepse të vetëm nuk mund të bëjmë asnjë gjë dhe këtë na e ka mundësuar BDI dhe lideri Ali Ahmeti.
Çdo shërbim ndaj qytetarëve, çdo projekt, kemi patur mundësinë ta adresojmë dhe realizojmë vetëm e vetëm se na është deleguar mundësia nga lideri i BDI-së z. Ali Ahmeti
Andaj, thellë të dëshpëruar nga reagimet publike individuale të kryetarit të komunës Çair, distancohemi nga fjalori i përdorur ofendues dhe tentativa për përvetësime dhe instalim të përçarjes dhe bëjmë thirrje për ndërprerje të menjëhershme të keqpërdorimit të pozitës për agjenda individuale që nuk janë në vijë me liderin Ali Ahmetin dhe Bashkimin Demokratik për Integrim.
Ne, të poshtënënshkruarit jemi të rreshtuar pa ekuivoke pas liderit Ali Ahmeti dhe Bashkimit Demokratik për Integrim dhe bëjmë apel që asnjë individ mos të thirret në emër të degës Çair të Bashkimit Demokratik për Integrim dhe të fitoreve të ngadhnjyera bashkarisht për agjenda personale jashtë përcaktimeve politike dhe programore të liderit tonë Ali Ahmeti dhe të Bashkimit Demokratik për Integrim.
Me respekt
Nazif Bushi, nënkryetar
Ardian Muça, nënkryetar
Rami Qerimi, sekretar i përgjithshëm, veteran i UÇK-së
Abdylselam Selami, sekretar organizativ
Amella Cana, kryetare e forumit të gruas
Kushtrim Alla, kryetar i forumit rinor
Isa Hoti, anëtar i degës
Besnik Osmani, anëtar i degës
Bujar Osmani, anëtar i kryesisë qëndrore dhe zëdhënës
Nazim Bushi, anëtar i kryesisë qëndrore, veteran i UÇK-së
Bujar Dardhishta, drejtor
Shaip Zeneli, veteran i UÇK-së, zv. drejtor
Ilmi Selami, zv. drejtor
Muharrem Asani, veteran i UÇK-së, zv. drejtor
Ekrem Bunjaku
Nezir Bardhi, veteran i UÇK, anëtar i këshillit të përgjithshëm, kryetar dege
Ekrem Nuredini
Mensur Curri, këshilltar në komunën Çair
Enver Bardhi, veteran i UÇK-së
Ekrem Nuredini, veteran i UÇK, këshilltar komunal
Omer Bunjaku
Muhamet Zaimi, e të tjerë
