Apple ka gati një event të planifikuar më 4 mars. Ftesat janë dërguar për ngjarje me pjesëmarrje fizike në New York City, London dhe Shanghai, të planifikuara për orën 9 të mëngjesit ET.
Bëhet e ditur se në këtë ngjarje Apple do të prezantojë pesë produkte të reja.
Apple po përgatitet të lançojë iPhone 17e, i cili do të zëvendësojë modelin iPhone 16e të vitit të kaluar dhe do të mbajë çmimin prej 599 dollarësh. Pajisja pritet të vijë me çipin A19 dhe mbështetje për MagSafe.
Modeli bazë i iPad thuhet se do të kalojë në çipin A18, duke i mundësuar funksionet e Inteligjencës së Apple në tabletin më të lirë të kompanisë.
Pritet të prezantohet edhe gjenerata e 8-të e iPad Air, e cila do të ketë çipin M4. Ky përditësim pritet të ngushtojë hendekun e performancës midis Air dhe Pro, duke vazhduar përpjekjen e Apple për të standardizuar linjën e saj të procesorëve prej silikoni.
Prezantimi i MacBook Pro po ashtu pritet në këtë event. Modelet e përditësuara 14 dhe 16 inç me çipa të klasit M5 thuhet se janë gati për lansim.
Raportohet se do të prezantohet edhe një MacBook nën 1,000 dollarë, i mundësuar nga një çip i klasit iPhone në vend të një procesori të serisë M. Sipas raportimeve, pajisja do të ketë shasi alumini jo plastike falë një procesi të ri prodhimi që ul kostot. Ekrani pritet të jetë pak më pak se 13 inç, ndërsa Apple thuhet se po teston opsione ngjyrash të destinuara për studentët dhe blerësit e ndërmarrjeve.
