Dua Lipa ka nisur festimet për ditëlindjen e saj të 31-të në një nga destinacionet më të famshme të Spanjës, Ibiza, ku po shijon disa ditë pushimesh luksoze pranë familjarëve dhe miqve.

Këngëtarja shqiptare është fotografuar në një jaht luksoz, teksa shijonte detin dhe diellin e Ibizës. Ajo është shfaqur në humor të mirë, duke u argëtuar dhe duke u hedhur nga jahti në ujërat e ishullit.

Në këtë arratisje i janë bashkuar edhe motra e saj, Rina, dhe vëllai, Gjin. Familja ka kaluar kohë së bashku, ndërsa ka vizituar edhe klubin e njohur të natës DC-10.

Ibiza është vetëm një prej destinacioneve të shumta që Dua Lipa ka vizituar gjatë këtij viti. Nga Franca dhe Afrika e Jugut, te Kopenhaga, Kosova, Italia dhe Sicilia, këngëtarja ka pasur një vit të mbushur me udhëtime dhe momente të rëndësishme personale.

Në qershor, Dua u martua me aktorin britanik Callum Turner në një ceremoni madhështore në Siçili, ku morën pjesë familjarë dhe miq të shumtë. Pas dasmës, çifti vazhdoi pushimet në Itali, ndërsa më vonë këngëtarja u rikthye në Kosovë për festivalin Sunny Hill.

Me stilin e saj të jetesës dhe udhëtimet e shpeshta, Dua shpesh është bërë pjesë e batutave të fansave, të cilët e kanë komentuar se ajo duket sikur është gjithmonë me pushime.

Vetë këngëtarja i është përgjigjur më herët këtyre komenteve me humor, duke thënë se nuk është gjithmonë me pushime, por thjesht përpiqet që çdo gjë që bën të ndihet si pushim.

Dhe duket se edhe 31-vjetorin e saj Dua Lipa po e feston pikërisht në këtë mënyrë – me familjen, miqtë, diellin dhe detin e Ibizës.