Ilijoski ishte pjesë e përfaqësueses së juniorëve të Republikës së Maqedonisë së Veriut në këtë olimpiadë, e cila u zhvillua nga 22 deri më 28 shtator 2026, ndërsa medaljen e fitoi në një konkurrencë të fortë me 55 garues nga 13 shtete.
Suksesi i të riut nga Kërçova është një tjetër vlerësim i rëndësishëm për dijen, talentin dhe përkushtimin e tij ndaj informatikës dhe shkencës.
Medalja e bronztë nga Sarajeva nuk është suksesi i vetëm i Zoranit gjatë këtij viti.
Që nga fillimi i vitit 2026, Ilijoski tashmë tre herë është ngjitur në podium si pjesë e përfaqësueses së Maqedonisë.
Më herët, ai fitoi medalje bronzi në Olimpiadën Ballkanike të Juniorëve në Matematikë, e cila u mbajt në Buzëu të Rumanisë.
Suksesi vazhdoi edhe në Olimpiadën Evropiane të Juniorëve në Informatikë në Kaunas, ku sërish fitoi medalje bronzi.
Tani, me medaljen e bronztë nga Sarajeva, 14-vjeçari nga Kërçova e përmbyll një vit jashtëzakonisht të suksesshëm, të mbushur me dije, gara dhe rezultate të mëdha ndërkombëtare.
Pas këtyre sukseseve qëndrojnë shumë punë, përkushtim dhe orë të tëra të kaluara në përvetësimin dhe avancimin e njohurive.
Për Kërçovën, suksesi i Zoranit është një krenari e veçantë dhe një shembull i bukur se edhe të rinjtë mund ta përfaqësojnë denjësisht qytetin dhe shtetin e tyre në skenën ndërkombëtare.
Urime Zoran Ilijoskit për suksesin e madh, me dëshirat për edhe shumë medalje dhe arritje të reja në të ardhmen!
