Rasmus Hojlund u bë viral dje, ndërsa Danimarka u mposht me rezultatin 2-4 nga Portugalia. Hojlund shënoi në fillimin e pjesës së dytë për danezët, duke vendosur sfidën përkohësisht në barazim 2 me 2.

Festa e tij ishte me “Siuuu” në Ligën e Kombeve, pikërisht si Kristiano Ronaldo. Ky i fundit vendosi të braktisë Portugalinë pas përplasjes me trajnerin Zhorge Zhezus. Hojlund po ashtu e shtyu trajnerin portugez në përfundim të sfidës.

“Jam i lumtur që pata mundësinë të shënoja sot, edhe pse jam i trishtuar që nuk arritëm të fitonim. Doja vetëm t’ia dedikoja golin idhullit tim, Kristiano, për gjithçka që po kalon në këtë periudhë të karrierës së tij.

Ka krijuar një emër që nuk do të harrohet kurrë në historinë e këtij sporti dhe ne do ta kujtojmë gjithmonë. Duke u rritur, të shikoja Kristianon ishte një pjesë shumë e madhe e dashurisë sime për futbollin. Shikon lojtarë si ai dhe ëndërron që një ditë të arrish atë nivel. Prandaj, kur shënova, nuk u mendova dy herë.

Doja që ai ta dinte se ka ende lojtarë që janë rritur të frymëzuar nga gjithçka që ka arritur. Ai i ka dhënë kaq shumë futbollit dhe unë nuk kam veçse respekt për të. Ndoshta një ditë, kur karriera ime të ketë përfunduar, do të shikoj pas dhe do ta kuptoj se sa me fat kam qenë që kam luajtur në të njëjtën epokë me idhullin tim.

Për momentin, shpresoj vetëm që ai ta dijë se trashëgimia e tij është më e madhe se çdo moment i vështirë që mund të jetë duke kaluar”, u shpreh Hojlund pas ndeshjes.