Komisionerja për Zgjerimin, Marta Kos, deklaroi se procesi i zgjerimit të Bashkimit Europian po përshpejtohet, me hapa të rinj për Shqipërinë, Malin e Zi, Ukrainën dhe Moldavinë. Para mbledhjes së Këshillit të Çështjeve të Përgjithshme, ajo theksoi se zgjerimi duhet të shoqërohet me garanci më të forta për shtetin e së drejtës dhe me reforma që e bëjnë BE-në më efektive.
“Natën e kaluar, Mali i Zi mbylli edhe tre kapituj të tjerë negociues. Sot do të mbyllim një kapitull me Shqipërinë dhe do të hapim nga dy grupkapituj me Ukrainën dhe Moldavinë.
Ndërsa procesi i zgjerimit po merr ritëm, do të diskutojmë me shtetet tona anëtare se si të sigurohemi që Bashkimi ynë të bëhet më i fortë ndërsa bëhet më i madh. Pikërisht për këtë arsye kemi propozuar garanci më të forta për mbrojtjen e shtetit të së drejtës dhe reforma për një Bashkim më efektiv.
Recently Spotted Asteroid Set for Near Miss With EarthKeep Watching
Sot do të mirëpresim gjithashtu vendet kandidate në Qendrën Europiane për Reziliencën Demokratike. Shumë prej vendeve tona kandidate janë përballur prej vitesh me kërcënime hibride. Përvoja e tyre mund të na ndihmojë të mbrojmë demokracinë në të gjithë Europën.”
