Kryetari i Bashkimit Demokratik për Integrim (BDI), Ali Ahmeti, ka marrë pjesë në pritjen e organizuar nga ambasadori i Republikës së Austrisë në Maqedoninë e Veriut, Martin Pammer, me rastin e Ditës Kombëtare të Austrisë.

Përmes një mesazhi publik, Ahmeti përcolli urimet më të përzemërta për popullin austriak, duke vlerësuar miqësinë e qëndrueshme ndërmjet dy vendeve dhe rëndësinë e thellimit të mëtejshëm të bashkëpunimit dhe partneritetit.

“Me këtë rast, përcjell urimet më të përzemërta për popullin austriak, duke shprehur vlerësimin tim për miqësinë e qëndrueshme ndërmjet dy vendeve tona dhe përkushtimin për thellimin e mëtejshëm të bashkëpunimit dhe partneritetit tonë”, thuhet në mesazhin e Ali Ahmetit.

Në fund të mesazhit të tij, kreu i BDI-së uroi popullin austriak me rastin e festës kombëtare: “Gëzuar Ditën Kombëtare të Austrisë!”